Author Archives: aescoladosavos

AS CLASES COS AV@S

A semana pasada ( mércores 11 e xoves 12 de abril ) tivemos as clases cos avós.

Viñeron 6 persoas maiores que están a asistir á escola de adultos no IES Campo de San Alberte en Noia.

Mantivemos con eles un agradable e frutífero diálogo que agora vos presentamos nestes vídeos.

Grazas a Saturnino, Juan, Moledo, Pepe, Paco e José.

Grazas polo voso sorriso, polas vosas palabras, pola vosa sabiduría.

1ºESO A

Nós, os alumnos de 1º ESO A, vivimos unha bonita experiencia cuns avós de Noia que están estudiando no IES Campo de San Alberte. Non poideron recibir unha educación cando eran pequerechos e van á escola, agora que poden.Chámanse Saturnino, Moledo, Pepe, José, Juan e Paco, todos uns “cracks”.

Tivemos unha fantástica clase na que o pasamos xenial aprendendo cousas novas sobre a auga. Comparamos a nosa situación coa deles cando tiñan a nosa idade, tratando distintos aspectos: como utilizaban a auga, para que, como a obtiñan, onde a usaban e onde ía parar, os residuos que levaban …

Na época dos nosos avós o acceso á auga era moito máis difícil que agora, debido a que tiñan que desprazarse andando á fonte, ao río ou pozos. Mentres, agora abrimos a billa e xa temos auga.

Os usos da auga seguen a ser os mesmos, coma por exemplo o aseo persoal, alimentación e cociña, limpeza do fogar, rego … Os cambios con respecto á outras épocas son grandes en relación aos obxectos utilizados e aos lugares de uso.

Agora utilizamos electrodomésticos coma lavadoras, lavavaixelas, secadora, … que nos fan a vida máis cómoda, ao contrario que antes que o tiñan que facer todo eles a man. Usaban obxectos coma senllas, caldeiros, palanganas, ….

Sitios coma os lavadoiros eran moi comúns. Alí as mulleres ían lavar a roupa. Actualmente, o lugar onde o uso da auga é máis frecuente é a casa, sobre todo na cociña e o cuarto de baño.

Antes, case non ía ningún residuos na auga, xa que non se lle botaban produtos químicos, só xabóns neutros. Incluso as augas fecais reciclábanse facendo esterco para as leiras. Mentras, agora deben ir depuradas e saneadas, pero non sempre é así porque nalgúns lugares non hai depuradoras e vai chea de residuos: xabóns, produtos químicos, lexía, combustibles, aceites, graxas …

Nós temos a vida máis cómoda, contaminamos máis, desperdiciamos máis, e non lle damos tanta importancia. Aproveita a auga, pola túa vida, pola nosa.

1ºESO B

Somos alumnos de 1º ESO B do IES da Pobra do Caramiñal e queremos contarvos a nosa experiencia no Proxecto “A escola dos av@s”. Tivemos a sorte de ter unha clase cos avós para conversar sobre o tema da auga e comparar a nosa vida coa deles cando tiñan a nosa idade.

Prestáronos a súa axuda seis avós de Noia que estudan na escola de adultos do instituto, chamados Saturnino, José, Paco, Pepe, Moledo e Juan.

Debatimos sobre diferentes temas da auga: o consumo, o acceso á auga, os lugares de uso, obxectos relacionados con ela, os residuos …

Nós conseguimos a auga con só abrir a billa coa “traída” e antes era máis complicado conseguila, xa que había que ir ás fontes, regatos, ríos, pozos …e iso conlevaba un gran esforzo.

Basicamente, a auga utilízase para as mesmas cousas; por exemplo, asearse, cociñar, lavar, beber … Iso non cambiou, só que agora é máis fácil realizar as tarefas grazas a aparellos coma o lavavaixelas, lavadora, secadora, lavabo, …

Os avós contáronnos que antes só se utilizaba a auga na cociña e poucos lugares máis. Hoxe en día hai canalizacións e abastecemento de auga a case todos os lugares onde necesitemos usala. Un exemplo moi claro é o cuarto de baño porque naqueles tempos non o tiñan. Bañábanse nun barreño na habitación ou na cociña.

A auga utilizábase sen desperdiciala. “Non hai pouco que non chegue, nin moito que non se acabe”, díxonos Saturnino. Canto máis hai, máis vas a consumir. Canto menos haxa, acostúmaste a gastar pouco.

Na actualidade, a auga leva moitos máis residuos contaminantes como xabóns, lexías, aceites … que ás veces van parar aos mares e ríos sen depurar.

Consumo responsable: debemos coidar cada pinga de auga coma se fora a última e non contaminala.

1º ESO C

O outro día tivemos unha clase cuns avós que viven en Noia e van á escola de adultos. Preguntámoslle que facían coa auga cando tiñan a nosa idade. Aprendemos moitas cousas, coma por exemplo como tiñan o acceso á auga, para que e onde a usaban, que residuos ían na auga e obxectos relacionados con ela. Comparamos o noso tipo de vida coa deles.

Durante a clase sacamos algunhas conclusións.

O acceso á auga é moito máis fácil agora que antes.Nós con só abrir a billa xa a temos. En cambio cando eles eran pequenos tiñan que ir buscar auga ás fontes, ao río, nos pozos … Nas vilas incluso había mulleres ás que pagaban para que lle levaran a auga todos os días á casa.

Usaban senllas e caldeiros para ir buscala. Nós, en cambio, temos a billa, a lavadora, o retrete, o fregapratos, … que nos fan a vida máis levadeira e cómoda.

A auga utilízábase naqueles tempos practicamente para os mesmos fins que agora: para cociñar, asearse, beber, regar, limpar a casa … Sen embargo, os lugares onde se usa cambiaron bastante. Antigamente a auga empregábase nas hortas e leiras, na cociña, na corte dos animais e en poucos sitios máis. En cambio, nós temos un lugar especial: cuarto de baño, ademáis de que podemos ter acceso a auga en calquera lugar da casa. Como consecuencia, gastamos máis da que deberiamos e nela van moitos máis residuos contaminantes, como graxas, aceites, augas fecais, xabóns … que moitas veces nin sequera pasan por unha depuradora. Daquela como non había contaminación nas augas, aproveitaban para reutilizala, por exemplo, facendo esterco nas cortes.

En definitiva, vivimos nun mundo máis cómodo pero moito máis contaminado. Tamén non debemos consumir auga de xeito innecesario.

“ Non hai pouco que non chegue, nin moito que non se acabe”

( Saturnino )

1º ESO D

A pasada semana visitaron a nosa clase uns avós colaborando nun estudio sobre a auga dentro do proxecto “ A escola dos av@s

Durante dúas horas debatimos sobre o acceso á auga, os seus usos, os lugares onde se utiliza, os obxectos e os residuos, na actualidade e cando eles tiñan a nosa idade ( entre 12-14 anos ).

Na época dos avós o acceso á auga non era tan doado como agora. Tiñan que ir andando ás fontes , aos pozos, ao río, … transportándoa nas senllas na cabeza, caldeiros, xerras e outros recipientes. En cambio, nós podémola conseguir cun simple movemento de pulso na nosa cociña , no noso baño, na horta, na corte dos animais, no colexio, … Como temos tan fácil conseguir a auga, acabamos malgastándoa. Sen embargo, antes había que aproveitala moi ben xa que o tiñan máis complicado.

Debatindo cos avós, descubrimos que utilizamos a auga practicamente para o mesmo: cociñar, beber, lavar a roupa, asearse, nas leiras, alimentar o gando …

Billa, lavadora, lavavaixelas, secadora, mangueira, ducha, retrete, aspersores …obxectos que nos facilitan a vida diaria. Porén, o consumo aumenta, igual que a contaminación polos residuos que vertemos na auga: xabóns e derterxentes, restos de comida, aceites, produtos químicos, …

Si todos poñemos un pouco da nosa parte, xuntos podemos facer un mundo mellor.

Reportaxes do alumnado

Grupo 2 de 1º D

Grupo 3 de 1º D

Grupo 5 de 1º A

OUTRAS ENTREVISTAS AOS AV@S

(1A) Becerra Lampón, Alberto

(1A) Buceta González, Tamara

(1A) Cerqueiras García, Manuel

(1A) Domínguez Martís, Lara

(1A) Fandiño Castro, Carlos

(1A) Fernández Mariño, Raquel

(1A) Filgueira Sampedro, María

(1A) González Echevarrieta, Miguel

(1A) González Martínez, Inés

(1A) Lampón Sampedro, Juan Francisco

(1A) Lojo López, Iago

(1A) Lojo Martínez, Paola

(1A) Rial Vázquez, Pablo

(1A) Ríos Deán, Damián

(1A) Romero Vila, Carlos

(1A) Sampedro Pérez, Cristofer

(1A) Sobrido Martínez, Juan Manuel

(1A) Teira López, Jorge

(1B) Blanco Bascoy, Rubén

(1B) Boo González, Ramón

(1B) Buceta Queiruga, Javier

(1B) Cadabal González, María Elena

(1B) Casqueiro Fernández, Manuel

(1B) Castro, Jorge

(1B) Crujeiras Mariño, Rangel

(1B) De Almeida Sampedro, Lorena

(1B) Domínguez Mariño, Javier

(1B) Domínguez Sanisidro, Nerea

(1B) Fernández Piñeiro, Anxo

(1B) Freire, Diego

(1B) Hermo López, Juan Carlos

(1B) Muñiz Pouso, Ángel

(1B) Seoane Piñeiro, Ángela

(1C) García Riveiro, Lucía

(1C) Martínez Redondo, Eva

(1C) Ouviña Romero, José Manuel

AS ENTREVISTAS AOS AV@S

ESTA SON AS ENTREVISTAS QUE @OS NOS@OS ALUMN@S DE 1º ESO LLES FIXERON AOS SEUS AV@S

Banco de Imaxes INTEF

Imaxe: Banco de Imaxes PANTIF

Estas son as entrevistas que queremos destacar de entre todas as de 1º ESO. Noraboa.

(1A) Casais González, Irea

(1A) Filgueira Sampedro, María

(1A) Pérez Domínguez, Miguel

(1B) Alcalde Olveira, Alba

(1B) Fernández Castro, Alberte

(1B) González Santiago, Samuel

(1B) Vázquez Pérez, Julián

(1C) Romero Olveira, José Antonio

OUTRAS ENTREVISTAS

A auga é vida. Coidamos a auga, coidámonos a nós.

Verter residuos á auga deteriora o medio ambiente aumentando a contaminación. Por exemplo, na praia dos Raposiños sempre hai graxa na auga por mor da fábrica de conservas ou na praia da Cambra que hai escamas do peixe dunha fábrica e bota auga por unha tubería.

Ten un efecto negativo para a saúde nos países pobres xa que non teñen acceso a auga potable. Provócanse enfermidades coma o cólera ou diarreas chegando incluso á morte.

Deberiamos compartir a auga sen ser tan miserables coma para crear conflitos. Compartir os recursos hídricos provoca grandes conflitos entre países.

A agricutura necesita moito rego e polo tanto convértese na maior consumidora de auga no mundo. Se non hai auga ( por sequía ou desertización, por exemplo ) non se pode producir alimentos e hai fame.

A enerxía hidráulica é ecolóxica porque non contamina, coma por exemplo a que provén de fontes non renovables ( petróleo, gas natural, carbón ).

Canto máis poboación máis consumo de auga e alimentos. Pero tamén aumenta a pobreza. Hai un reparto desigual e inxusto do consumo de auga.

A auga é vida. Coidamos a auga, coidámonos a nós.

A auga é un ben moi escaso. Sigamos a estratexia das 3 R: reduce, reutiliza, recicla 1º C

Contaminamos, vertemos substancias tóxicas e facemos que a auga se deteriore. Esta contaminación forma parte do ciclo da auga e este exténdea. Nos Raposiños a fábrica de conservas verte graxas e restos de peixe e plásticos á auga. Outro exemplo, son os mariñeiros do Castelo que tiran restos de pintura das gamelas, restos de redes, botes e latas ao mar.

A auga está relacionada co cambio climático. En lugares como África hai desertización, sequía, falta de auga.

O acceso a auga potable pode evitar enfermidades e baixa a porcentaxe de mortalidade. A auga é necesaria para ter saúde. Nos países pobres ( África, p.ex.) a xente está obrigada a usar auga encharcadas e en mal estado. En cambio, nos países ricos o consumo de auga potable é moito maior.

Pero compartir a auga causa conflitos.

A auga é necesaria para producir alimentos. A maior parte da auga do consumo humano vai para a agricultura. Entón si houbera unha crise de auga, tamén habería crise de alimentos: fame, malnutrición, enfermidades, mortes.

A enerxía hidráulica é unha das máis limpas.

O consumo da auga creceu a un ritmo que duplica o aumento da poboación mundial. Pero hai un reparto desigual: menor no Terceiro Mundo debido á pobreza.

A auga é un ben moi escaso. Sigamos a estratexia das 3 R: reduce, reutiliza, recicla

Manchas de restos de carburante e aceite no peirao

Autora: Celia Maneiro (1ºC)

Auga, unha fonte para vivir. Sen ela non hai nada. 1º B

Autor: Rubén Blanco (1ºB)

Continuamente vertemos residuos contaminantes á hidrosfera e pode ter terribles consecuencias no medio ambiente. Por exemplo, no peirao de Ribeira e no da Pobra hai botes de plástico, aceites, bolsas, latas, …. Tamén na praia de Cabío ou no Areal hai tuberías que botan auga contaminada. Os barcos pesqueiros botan redes vellas ao mar, aceites, restos de gasolina, …. O exemplo máis claro de contaminación en Galicia foi o afundimento do Prestige no ano 2002.

A xente que vive en países pobres, sen recursos non ten acceso a auga potable. A que usan moita ás veces está contaminada por bacterias. Isto causa enfermidades ( diarrea, cólera ,… ) e incluso a morte ( máis de 5 millóns de persoas ao ano). En África e outros lugares hai conflitos por ter que compartir auga.

A agricultura é a maior consumidora da auga para o rego. Se hai escasez de auga por sequía ou desertización pódese producir unha crise alimentaria: malnutrición, fame, enfermidades, morte.

A enerxía hidráulica é unha forma limpa e renovable de xerar electricidade.

A poboación está crecendo rapidamente e con ela o consumo de auga. Nos países pobres non hai suministro de auga nen saneamento. Debería haber mellor reparto do consumo da auga.

Auga, unha fonte para vivir. Sen ela non hai nada.

Autor: Rubén Blanco (1ºB)

A auga dá vida. ¿ Por que seguimos a contaminar e danar a Terra ? 1ºA

O deterioro do medio ambiente é debido aos vertidos, ao cambio climático, e todo producido por nós. Ao verter residuos tóxicos á hidrosfera deterioramos o medio ambiente. Por exemplo, os barcos que están no peirao botan aceites, graxas, … No Areal hai tuberías que botan augas suxas directamente ao mar. Na Ría de Arousa hai moitos puntos de contaminación mariña producida pola industria e augas residuais sen saneamento.

 O acceso a auga potable en moitos países pobres é moi complicado. Esa pobreza limita ese acceso , o cal da lugar a graves problemas de saúde, causando miles de mortes a diario. Unha solución sería compartir os recursos hídricos, pero isto pode provocar conflitos e guerras.

Por outra parte, a auga é necesaria para a produción de alimentos. Empregamos a maior parte da auga na agricultura. Pero si hai escasez de auga debido á sequía, produciriase unha crise alimenticia: malnutrición, fame.

A maioría das fontes de enerxía utilizadas non son renovables. Hai que potenciar outras máis ecoloxicas. A auga pódese utilizar coma unha fonte de enerxía renovable e ecolóxica, evitando expulsar CO2 á atmósfera e mellorar o medio ambiente.

Ao aumentar a poboación hai que repartir máis a auga e isto supón un aumento do consumo. Hai un reparto desigual da auga. Por exemplo, en EE.UU. e Europa temos máis recursos e maior subministro de auga. En cambio, nos países pobres como Kenya, Somalia, Etiopía, … non hai tanto abastecemento de auga para consumo humano.

A auga dá vida. ¿ Por que seguimos a contaminar e danar a Terra ?

Que sabemos os de 1º ESO D?

Na aldea dos meus avós traballaban no campo, eran gandeiros, agricultores, cazadores e mariñeiros .Os mariñeiros ían pola mañá buscar mexillóns as bateas nun pequeno barco. Daquela había leiras, e nelas traballaban con sacho, fouciño, arado e co gando.

No seu tempo o mundo era humilde e complicado. Non había electricidade e era máis difícil cociñar e facer outras cousas. Para lavar a roupa tiñan que ir ó lavadeiro. Meus avós non tiñan traballo e tiveron que emigrar para buscalo.

 Había que andar moito para buscar a auga ó pozo, xa que non se mercaba no supermercado. Cultivaban a súa propia comida: patacas, millo,froita …. Tamén para ter leite tiñan que apañar a herba para dar de comer as vacas e logo muxilas.

 No tempo dos avós aprendían a base de castigos e moito traballo e si querían xogar tiñan que organizar o seu tempo. Miña avoa contoume que xogaban á petanca, ao trompo e ás canicas.Tamén escoitaban musica nos tocadiscos. Eran moi festeiros, cantaban, bailaban, …

A moto era un medio de transporte moi común.

Eran familias moi grandes e, como non había tantos medicamentos, enfermaban e morrían.

Había diferenza de riquezas e encarcelamentos por ideas políticas.Cando empezou a ditadura de Franco os militares fusilaban a todos os que non cumprían as súas ordes. Non te podías expresar libremente. Cando eran xoves tiñan que ir á mili.

Que sabemos os de 1º ESO C?

Nos tempos de antes a xente tiña que traballar desde pequenos deixando a escola. As familias eran moi numerosas para que os fillos axudasen no traballo. Non tiñan tempo para xogar porque tiñan que traballar e coidar os seus irmáns.Para conseguir alimento tiñan que cazar, pescar e cultivar, e facían o caldo. O traballo era moi duro. Isto facía que foran máis maduros. Por exemplo, non tiñan tractores, así que os arados eran tirados por vacas.

Tamén traballaban nas bateas e nas conserveiras.

Antes as cousas transportábanse en animais coma os burros, porque non había outro medio de transporte.

As mulleres ían lavar a roupa ó río, ainda que tiñan moi pouca. Tiñan que ir buscar a auga ó pozo. Tiñan moi poucos recursos económicos e moita xente tivo que emigrar ao estranxeiro.

Os colexios estaban divididos para homes e mulleres.

A pesar do duro que eran os tempos, tamén cantaban, reían e xogaban.Daquela os xoguetes eran de madeira.

A moeda antiga era a peseta.

Os mozos ían á mili.

Eran tempos difíciles nos cales a ditadura complicaba moito a vida social, ir ao colexio, etc. Para atravesar a fronteira había que ter moito coidado e meterse polo monte, co medo de que algún soldado che atopara.

Agora os avós rosman moito porque a nosa vida é moito máis fácil ca deles.